//Cambiado por KaBuTe?>
Obxectivos
Obxectivos xerais do título
- O obxectivo xeral deste Máster é a formación avanzada previa á actividade investigadora e a iniciación á investigación no ámbito dos aspectos científicos do clima e do cambio climático, así como nos impactos derivados do mesmo. Esta formación conseguirase mediante cursos presenciais con forte vocación práctico-investigadora e a realización dun Traballo Fin de Máster con investigación orixinal que pode constituír o xerme dunha futura tese doutoral.
Obxectivos específicos do título
- Proporcionar aos alumnos unha formación avanzada e metodolóxica en Ciencias do Clima, cambio climático e o seu impacto que lles permita a súa iniciación na investigación en temas afíns.
- Ser un lugar de encontro de profesionais con vocación de aplicación da investigación e de estudantes interesados nas Ciencias Climáticas, o cambio climático e os seus impactos.
- Ser un foro de discusión e aprendizaxe.
- Servir como vía de cooperación científico-docente con outros científicos da Península Ibérica.
- Servir como instrumento de cooperación científica internacional, fundamentalmente con Latinoamérica, ofrecendo por iso unha parte da súa carga docente deste Máster a estudos especializados sobre o clima nesa rexión.